出外的囝仔

林中光樂團

出外的囝仔
詞曲：蕭澤倫

有真久毋捌返去思念的庄腳，
險險啊抹記欲對佗落車；
摜甲大包細包，
厝邊隔壁探頭問講，
這是佗來的少年兄。

踏入去阮兜曠闊的門口埕，
親像看著阿公猶原坐值遐，
入門阿母著趕緊來檢查，
看我自頭到尾敢有去乎減一仔塊肉!
我講腹肚枵甲強欲通尻脊坪，
阿爸講 歸家伙仔大家攏來吃，
阿嬤講 出門在外毋通濫肆食，
阿弟仔講 吃飯正是皇帝大。

我是在地的番薯仔囝，
我尚愛吃阿母滾的豬腳，
細漢尚愛甲郎偷擲羨仔，
大家攏叫阮大頭囡仔!

我是無腳的布袋戲尪仔，
為著理想生活來都市打拼，
毋是阮甲意四界來走拋拋，
之是無奈現實甲勞碌的命。

台北的北風吹甲是冷閣寒，
熱天是熱甲強欲火燒山，
你若問我講愛值佗位住，
我講你斟酌聽，你斟酌聽，
我欲來去山頂飼雞仔。